Maaaring magbago ang long-term monetary policy ng US Federal Reserve kung isasagawa ang isang pangatlong mandato, isang bagay na masamang balita para sa dolyar pero magandang balita para sa crypto.
Matagal nang itinuturing na may dual mandate o dalawang pangunahing tungkulin ang Fed — ang price stability at maximum employment. Ngunit binanggit ni Stephen Miran, ang pinili ni President Donald Trump para sa Fed governor, ang isang ikatlong mandato nitong nakaraang buwan, na nagdulot ng espekulasyon tungkol sa kinabukasan ng monetary policy patakaran sa pananalapi ng central bank.
Ang pangatlong mandato ay isang statutory requirement na nakabaon sa mga founding document ng Fed. Ayon dito, talagang may tatlong layunin ang sentral na bangko: maximum employment, price stability, at moderate long-term interest rates.
Inulat ng Bloomberg noong nakaraang Martes na tila handa na ang administrasyong Trump na gamitin ang nakalimutang statutory requirement na ito bilang katwiran para sa mas agresibong panghihimasok sa bond markets. Posible itong gawin sa pamamagitan ng yield curve control o pinalawak na quantitative easing at pag-iimprenta ng pera.
Pagpapababa ng long-term interest rates
Ang pangatlong layunin na ito ay matagal nang hindi pinapansin sa loob ng ilang dekada; itinuturing lang ito ng karamihan na natural na bunga ng pagkakamit sa unang dalawang layunin. Ngunit ngayon, binabanggit ito ng mga opisyal ni Trump bilang legal na panangga para sa posibleng yield curve control policies, kung saan bibili ang Fed ng government bonds upang abutin ang isang target na interest rate.
Matagal nang nagsusulong si Trump para sa mas mababang rates, at tinawag pa niya ang Fed governor na si Jerome Powell na “too slow” o “too late” sa pagbabawas ng mga ito.
Nais ng administrasyon na aktibong pigilin ang pagtaas ng long-term interest rates. Kabilang sa posibleng gamiting kasangkapan ang pagdami ng Treasury bill issuance, bond buybacks, quantitative easing, o direktang yield curve control.
Ang mas mababang long-term rates ay makakabawas sa gastos ng gobyerno sa paghiram, lalo na’t umabot na sa record na $37.5 trilyon ang pambansang utang. Nais din ng administrasyon na pasiglahin ang housing market sa pamamagitan ng pagpapababa ng mortgage rates.
Positibong epekto sa crypto
Tinawag ni Christian Pusateri, founder ng Mind Network, ang third mandate na financial repression sa ibang katawagan, at binanggit na mukhang-mukha raw itong yield curve control.
“Mas mahigpit ang pagkontrol sa presyo ng pera dahil hindi na balanse ang matandang ugnayan ng kapital at paggawa, at ng utang at GDP,” wika niya.
“Handa ang Bitcoin na sumipsip ng malaking kapital bilang ginustong panangga laban sa pandaigdigang sistemang pinansyal.”
Idinagdag pa ng prangkang founder ng BitMEX na si Arthur Hayes na ito ay bullish para sa crypto, at iminungkahi pa na ang yield curve control ay posibleng magpataas sa Bitcoin hanggang $1 milyon.
